Wisset ihr no ? Dui Jugend hat omal wieder fort gmüeßt ond dr Hardle isch gfahra mr hat jo schließlech Erfahrong en all den Jahra, bloß nach Besga nei , für ehn a Katzasprong elf Kerle sends gwä, a bißle viel, aber no klei ond jong so hat se dr Hardle no ella en sei Busle neidrückt, bei guetem Willa ond überananderlega isch’s ehm no au glückt dui Lenksabbiegerampel stoht auf rot, dr Hardle vorschriftsmäßeg hält doch beim O’fahra , henda ebbes aus sei‘m Busle fällt beim en dr Rückspiegl gugga griagt dr Hardle rote Ohra hat er doch tatsächlech so en kleina Kerle verlora, Glück em O’glück, s’hat ehm nämlech gar nex g’macht ond nach’rer Schrecksekonda hend se ella wieder g’lacht ond dui Moral von der Geschicht : „foahr langsam o‘, denn hudla lohnt sich nicht!“ Zur Zeit verfügt der TASV Hessigheim über eine F- E- D- C- und B- Jugendmannschaft. Die so wichtige A- Jugend kann mangels Masse nicht aufgeboten werden, was natürlich die Kontinuität zur Verjüngung der aktiven Mannschaften nicht gerade fördert. Als Abschluß noch ein Gedicht welches in die erfolgreiche Zeit von Trainer Hermann Bohnenberger fällt und den „Trainingsablauf“ der Aktiven zum Inhalt hat. "Dr Training!" Am Donnerstagobend so om Glock acht der Trainer met ons des Training macht ond kommt omal oiner a bißle z’spät Er glei a Ronde extra dreht. Ja dr Boss nemmt ons ganz hart dro dr Schweiß lauft ons net bloß d‘ Backa ro ond will er ons no recht fescht ploga duet er ons om dr Sportplatz joga. Wir lerna Doppelpaß ond was es no so alles gibt au dr Kopfball wird bei ons fleißeg g’übt beim Steilpaß isch’s no meistens recht bald aus denn dena Kerle geht dr Schnaufer aus. dr Schuß auf s’Tor isch dann no dro a jeder schießt so gut er ko doch s’Tor isch meischtens viel zu klei, denn kaum oiner trifft des Leder nei. Des Toreschießa war aber bloß zom Verschnaufa drnach müaßa mr no wieder laufa ja ob Bockhopfa oder Soilessprenga älles müeßa mir em Training brenga Gymnastik den mr no au no betreiba natürlech ohne Hulareifa, dafür aber met Kniebeuga oder met Liegestütza mr sieht mir müeßa ganz schee schwitza, doch bei all den viela schwera Sacha henn mr manchmol au no was zom Lacha, denn oimal do hat dr Boss entdeckt, wia sich dr Scherr hentrer Pappel hat versteckt. Was machst du do ? Er wills obedenkt wissa I? stottert dr Scherr, i, i hann blos mol müssa, dorweil duet dr Felix ond des ganz o’geniert bei dem goht des jo au wia g’schmiert en „Koffer“ größten Kalibers nostella, sei’m Nebamann dent vor G’stank d’Auge raus quella ond duet no dr Boss no henter a andera Pappel glotza no sieht er dr Schlompl grad no beim Kotza! Doch des isch no meistens s’End vom Trainingsquäla, Denn no dürfa mir zwei Mannschafta wähla . Dia Blaue zu mir die Rote dort nuff, no gohts aber los , no hauet se druff, do kennet se renna , do kennet se wetza von Müdigkeit koi Spur me, do flieget dia Fetza, do wird au des Tor so manchesmol troffa doch dr Spielausgang bleibt meistens offa! Des Trainingsspiel läuft so bis kurz nach zehn donach könnet mr no duscha geh‘n! So em halber Elfa isch des Duscha no vorbei, mr drenkt no a Bier oder vielleicht au drei no isch au no Spielerversammlong o dr Graus dr Abteilongsleiter zieht no sei Notizblöggle raus ond isch der no endlich still, dr Trainer no au no ebbes saga will. Der spricht no von Taktik ond was ons sonst no duet fehla, met oim Wort , au Sonntegs solla wir ons wieder quähla doch secht no dr Boss , so i halt jetzt mei Klapp do spielt dr Gebi scho längst Zwanzig – ab dr Ossi schreit au scho ganz verrückt, fenf Mann no, no macher mr en Zwick, wieder andere dent dem Skatspiel fröna s’will halt jeder ebbes Geld „verdena“, a paar Groscha bloß für des tronkene Bier ond dodrüber nei , wird’s no meistens halb vier stehn mr no uff ond machet s’Hallelicht aus goht, trotz dem Verdena wolla, so mancher leer nach Haus ! So, oder so ähnlech spielte sich dr Training bei ons ab I hoff es war en dr Ausführeng net zu knapp, s’isch klar es gäb no vieles zu berichta von jenem ond sellem , manch lustige G’schichta au daß mr oft no a Liedle dent senga ond mancher duet au no a Witzle zom Beschta brenga i moin aber sei g’nueg ond es dät jetzt au reicha i muß nämlich ganz dringend omol .... ebbes trenka !
|